მუხლის ტკივილი და მენისკის დაზიანება: როდის არის საჭირო რეაბილიტაცია?
მუხლის ტკივილი ერთ-ერთი ყველაზე ხშირი ჩივილია როგორც სპორტსმენებში, ასევე ყოველდღიურ ცხოვრებაში. მუხლის სახსრის სტაბილურობაში უმნიშვნელოვანეს როლს თამაშობს მენისკი — ნახევარსფეროსებრი ხრტილოვანი წარმონაქმნი, რომელიც ამორტიზატორის ფუნქციას ასრულებს. მენისკის დაზიანება შესაძლოა მოხდეს როგორც მკვეთრი მობრუნებისას, ასევე ასაკობრივი დეგენერაციული ცვლილებების შედეგად.
მენისკის დაზიანების სიმპტომები და დიაგნოსტიკა
მენისკის დაზიანებაზე მიანიშნებს:
- ტკივილი მუხლის სახსრის შიდა ან გარე მხარეს;
- მუხლის „ჩაკეტვა“ ან ტკაცუნის შეგრძნება მოხრისას/გაშლისას;
- სახსრის შეშუპება და სითხის დაგროვება;
- ჩაბუქნვისა და კიბეზე ჩასვლის გაძნელება.
ბევრს ჰგონიათ, რომ მენისკის დაზიანებისას ართროსკოპიული ოპერაცია აუცილებელია. თუმცა, თანამედროვე ორთოპედიული გაიდლაინები ადასტურებს, რომ დეგენერაციული და მცირე ზომის ტრავმული დაზიანებების დიდი ნაწილი წარმატებით იკურნება ფიზიოთერაპიით.
როგორ ეხმარება რეაბილიტაცია მუხლის ტკივილს?
მუხლის რეაბილიტაცია მიზნად ისახავს:
- კვადრიცეფსისა და ბარძაყის უკანა კუნთების გაძლიერებას: ძლიერი კუნთები იღებს მუხლის სახსარზე მოსულ დატვირთვას;
- შეშუპებისა და ანთების მოხსნას: Game Ready-ის კრიოთერაპიითა და BTL-ის აპარატურით სითხის გაწოვის დაჩქარებას;
- პროპრიოცეფციის (ბალანსის) აღდგენას: სახსრის სტაბილურობის გაზრდას, რათა თავიდან ავიცილოთ განმეორებითი ტრავმა.
რეაბილიტაცია PhysioHub-ში
PhysioHub-ის კლინიკებში ტარდება როგორც კონსერვატიული (უოპერაციო) მკურნალობა, ასევე პოსტოპერაციული რეაბილიტაცია მენისკის რეზექციის ან ნაკერის შემდეგ. ინდივიდუალური სავარჯიშო პროგრამა უზრუნველყოფს უსაფრთხო დაბრუნებას აქტიურ ცხოვრებასა და სპორტში.
ნუ გადადებთ მუხლის მკურნალობას. ჩაწერილი იყავით კონსულტაციაზე PhysioHub-ში ან დაგვირეკეთ ნომერზე 599 43 83 33.